- 101 -
[1428] (14. lipca) Świdnica, w środę po św. Małgorzacie.
Albrecht von Kolditz, starosta księstw Świdnicy i Jawora oraz landwójt Łużyc Górnych do tamtejszych okręgów i miast etc.
— Albr. von Colditz etc., foyt der lande u. stete BudissinBautzen (pol.: Budziszyn) w G. Łużycach (D), GorliczGörlitz w G. Łużycach (D) u. heuptmann zur SweidnitzŚwidnica, an land u. stete Budissin, Gorlicz etc. Als ir mir schreibet von hern Bernhard v. Donin wegen, wie ir uch solcher gelobde nicht geynnern möget noch dovon wisset, des bin ich ser irsrocken. Liben frunde, ir wisset wol, das ir mich hisset noch em senden, und was ir mich hisset zu em werben, da er sein haus dem Wanke mit dem ein ougen vorkauffen wolde. Und glaube uch wol, ir lot mich nicht dorynne stecken, wenn herr Bernhard uch und mir seynes hauses getrawet und gloubet hat. Ouch als ir mir schreibet, ich sulde zu uch kommen, und das hette ich lange gerne gethan, hette ich vor den kätzern gekonst. Wenn uns die kätzer 11 wochen in der Slesia lagen, und darnach wurden wir eins, das wir vor den ZotenbergGóra Ślęza ruckten und alda lagen, biss wir den wider eyne irkrigeten und uns die kätczer an die grenitcz rückten und noch alda ligen und meinen noch diese lande zu ubirzihen. Ouch den briff, den mein her der bischof von der MeyssenMiśnia, Saksonia (D) hergesant hat meinem hern dem bisch. von der NeysseNysa also von der vorkündunge wegen mit dem Meyschenischen, do werden land u. stett zu BreslaWrocław bey einander sein, u. wollen die sachen an mich nicht handeln, also das ich mit en reyten muss, dornoch wil ich gerne kommen. Auch wist ir wol, das uch mein h. der konig geschriben u. bevolen hat, wene ich euch setzet an meyner stat, dem sollet ir gehorsam sein als mir selbir, wie ofte u. wie dicke mir das noch geschee. Nu habe ich uch meynen sone Tymo v. Colditcz an meyner stat gelossen, dörffet ir des, der sol gerne zu uch kommen u. sol uch helfen u. rathen u. noch uwern rath halden. Auch sende ich uch hir briefe, die mir mein h. der bischof Conrad so vorher gesetczt etc., das ich nicht itzund zu uch komme, u. moget das selber wol irkennen, wenn uns die kätczer also gestern im weichbilde zu HirsbergJelenia Góra mit dem resigen gezuge abir beschediget haben, und uns kompt vmmet (?) botschaft, das sie uns wider nahen. Darumb, liben frunde, seyt meynem sone gehorsam, als uch das mein her geschreben hat etc., und würde uch dorübir icht brüchig, das schreibet mir, so wil ichs gerne wandeln.
Gegeben zu der Schweidenitz an der mitwochen noch Margarete.